Sit hérna með tómatvín í glasi og sötra af því fyrir framan tölvuna hans jóa. Kláruðum prófin í dag og var þeim fagnað með bjór, og meiri bjór. Jói býður svo upp á glæsilega bruggað tómatvín, sem er jafnvel enn bragðbetra en nafnið gefur að kynna. Ummmmm, Tómatur. Ummmm, vín. Ummmm…. darri (darri sko, darri freyr, sem stendur hérna fyrir framan mig og truflar mig.
Annars er hundurinn hans jóa skemmtilega að bögga mig, honum er vel við alla, nema mig, þegar ég kem inn, þá bítur hann mig, þegar ég fer, þá bítur hann mig, þegar ég horfi á hann… þá, kannski ok, bítur hann mig ekki, en samt, ég er hræddur.
Um að gera að fagna próflokum, og minni ég ennþá á Big Lebowski kvöldið fræga sem öllum er boðið á. Núna akkúrat hljóðar mætingarlistinn upp á 12 manns, og fer þeim fjölgandi. Spurning um að gera þetta að árlegum viðburði, eða jafnvel vikulegum, enda myndin svo góð að jafnvel darri getur ekki dansað betur. Hann var í nemó. "ertu ekki að segja mér að þetta sé ekki karlmannlegt" segir hann, á meðan hann hristir sig. Svo horfir hann líka á OC. Núna öskraði hann : "hann deyr", afhverju? jú, því hann var að tala um mann í OC. Annars er maður bara að sötra tómatvín eins og ég kom inn á aftur og hlustar á bjarna væla yfir OC, enda er hann of harður fyrir annað sjónvarpsefni en þætti um steinsteypu og stál, enda er maðurinn harður eins og steinsteypa…og stál.
Ég vil þakka fyrir þetta blogg, þetta var blogg í svona meðallagi, en á endanum myndi ég gefa því um 6 til 8, en það fer auðvitað eftir persónuleika hvers og eins.
Djöfull er þetta tómatvín ekki gott, ég skora á Dóra að trekta þetta með mér við tækifæri, við erum búnir að trekkta 2 appelsínuflöskur, klára eina til í staupkeppni og súpa af annarri, svo þetta tómatvín ætti að renna ljúflega niður.
